ಸಾವಯವ ಕೃಷಿ ತಜ್ಞ ನಾಡೋಜ ಡಾ. ಎಲ್. ನಾರಾಯಣರೆಡ್ಡಿಯವರದು ಗಾಂಧೀ ತತ್ತ್ವದ ಹಿನ್ನೆಲೆಯಲ್ಲಿ ಅತ್ಯಂತ ಸರಳ, ಸ್ವಾವಲಂಬಿ ಹಾಗೂ ಆದರ್ಶ ಜೀವನವನ್ನು ನಡೆಸುತ್ತಿರುವರು. ಮಳೆಯಾಶ್ರಿತ ಭೂಮಿಯಲ್ಲಿ ಎಕರೆಗೆ 23 ಕ್ವಿಂಟಾಲ್ ರಾಗಿ ಬೆಳೆದರು. ಕ್ಷೌರದಂಗಡಿಯ ಕೂದಲನ್ನು ತಂದು ಕಾಡುಹಂದಿಗಳನ್ನು ಹತೋಟಿಗೆ ತಂಡರು. ರಾಷ್ಟ್ರೀಯ, ಅಂತಾರಾಷ್ಟ್ರೀಯ ಸಮ್ಮೇಳನಗಳಲ್ಲಿ 150ಕ್ಕೂ ಹೆಚ್ಚು ಕೃಷಿ ಪ್ರಬಂಧಗಳನ್ನು ಮಂಡಿಸಿದರು. ಪ್ರತಿ ತಿಂಗಳು 15-20 ರೈತರಿಗೆ ಕೃಷಿ ತರೆಬೇತಿಯನ್ನು ನೀಡುತ್ತಿರುವರು. ವರ್ಷಕ್ಕೆ ಕನಿಷ್ಠ 50 ವಿದೇಶಿ ವಿದ್ಯಾರ್ಥಿಗಳಿಗೆ ಕೃಷಿ ಮಾರ್ಗದರ್ಶನವನ್ನು ಮಾಡುತ್ತಿರುವರು. ಸುಮಾರು 30 ಬಡ ವಿದ್ಯಾರ್ಥಿಗಳ ವಿದ್ಯಾಭ್ಯಾಸಕ್ಕೆ ಆರ್ಥಿಕ ನೆರವನ್ನು ನೀಡುತ್ತಿರುವರು. ತಮ್ಮ ಎರಡನೆಯ ಮಗನಿಗೆ ಬಾಲ ವಿಧವೆಯೊಂದಿಗೆ ಮದುವೆ ಮಾಡಿದರು. ಸುಮಾರು 25,000 ಗಿಡಗಳನ್ನು ನೆಟ್ಟು ಮರಗಳನ್ನಾಗಿ ಮಾಡಿರುವರು. ದೇಶ ವಿದೇಶಗಳಿಗೆ ಭೇಟಿ ನೀಡಿ, ಪಂಚವಾರ್ಷಿಕ ಯೋಜನೆಯ ಸಲಹಾ ಸಮಿತಿಯ ಸದಸ್ಯರಾಗಿ ಇಂದಿಗೂ ದಿನಕ್ಕೊಂದು ಗಿಡವನ್ನು ನೆಡುತ್ತಿರುವರು.