ಭಾರತದೇಶದ ಋಷಿ – ಮುನಿಗಳು, ಮಹಾಪುರುಷರು, ತೀರ್ಥಕ್ಷೇತ್ರಗಳು, ಸಾಹಿತ್ಯ–ಕಲಾಪ್ರಕಾರಗಳು, ದರ್ಶನಪ್ರಸ್ಥಾನಗಳು, ಸಿದ್ಧಾಂತ–ಕಲ್ಪನೆಗಳು, ವಿಜ್ಞಾನ–ಇತಿಹಾಸಗಳು, ಜೀವನಪದ್ಧತಿಗಳು – ಹೀಗೆ ಸಮಸ್ತ ಭಾರತೀಯ ವಿದ್ಯೆಗಳನ್ನು ಕುರಿತಾದ ಗ್ರಂಥಮಾಲಿಕೆಯೇ `ಭಾರತತೀರ್ಥ`.
ಪುಣೆಯ ಭಾಂಡಾರಕರ ಪ್ರಾಚ್ಯವಿದ್ಯಾ ಸಂಶೋಧನ ಸಂಸ್ಥೆ ನಮ್ಮ ದೇಶದ ವಿದ್ವತ್‌ ಸಂಸ್ಥೆಗಳಲ್ಲಿ ಬಹುಮುಖ್ಯವಾದ ಸ್ಥಾನ ಪಡೆದಿದೆ. ಆ ಸಂಸ್ಥೆ ನಮ್ಮ ದೇಶದ ವಿದ್ವತ್‌ ಪ್ರಪಂಚದಲ್ಲಿ ಸಾಧಿಸಿರುವ ಅನೇಕ ಮಹತ್ಕಾರ್ಯಗಳಲ್ಲಿ ವ್ಯಾಸಕೃತ ಮಹಾಭಾರತದ ಪಾಠಪರಿಷ್ಕರಣಕಾರ್ಯ ಮುಕುಟಪ್ರಾಯವಾದದ್ದಾಗಿದ್ದು ಲೋಕವಿಖ್ಯಾತವಾಗಿದೆ. ಈ ಸಂಪಾದನಕಾರ್ಯದ ಪರಿಚಯವೇ ಪ್ರಕೃತ ಕೃತಿಯ ವಿಷಯ.