ಯಾವುದೇ ರೋಗಕ್ಕೆ, ರೋಗಲಕ್ಷಣಕ್ಕೆ ಔಷಧವನ್ನು ಸೇವಿಸುವುದು ನಮಗೆ ಅಭ್ಯಾಸವಾಗಿದೆ. ರೋಗಕ್ಕೆ ತಕ್ಕ ಮತ್ತು ಸೂಕ್ತ ಪ್ರಮಾಣದ ಔಷಧ ಅಮೃತ, ಇಲ್ಲವಾದರೆ ಆ ಔಷಧ ನಮಗೆ ವಿಷ. ಜನರ ಔಷಧ ಪ್ರೀತಿಯನ್ನು ಕಂಡು ನೂರಾರು ಕಂಪೆನಿಗಳು ಸಾವಿರಾರು ಔಷಧಗಳನ್ನು ಮಾರುತ್ತಿವೆ. ಜನ, ವೈದ್ಯರನ್ನು ಕೇಳದೆಯೇ, ಅವುಗಳನ್ನು ಕೊಂಡು ಸೇವಿಸುತ್ತಿದ್ದಾರೆ. ಕಂಪೆನಿಗಳ ಪ್ರಚಾರ ಒತ್ತಾಸೆಗೆ ಮರುಳಾಗಿ ವೈದ್ಯರೂ, ಅನಗತ್ಯವಾಗಿ ಹೆಚ್ಚಿನ ಔಷಧಗಳನ್ನು ಬರೆದುಕೊಡುತ್ತಾರೆ. ಪ್ರತಿಯೊಂದು ಔಷಧ ಸಸ್ಯಮೂಲದಿಂದಲೋ, ಪ್ರಾಣಿ ಮೂಲದಿಂದಲೇ ಬಂದಿರುತ್ತದೆ. ನಿರೀಕ್ಷಿತ ಔಷಧೀಯ ಗುಣಗಳ ಜೊತೆಗೆ ಬೇಡದ, ಕೆಲವು ಸಲ ಅವು ಅಪಾಯಕಾರಿಯಾದ ಅಡ್ಡಪರಿಣಾಮಗಳನ್ನು ಉಂಟುಮಾಡುತ್ತವೆ. ಔಷಧವನ್ನು ಕೊಂಡುಕೊಳ್ಳುವಾಗ, ಬಳಸುವಾಗ ಏನೇನು ಎಚ್ಚರಿಕೆಗಳನ್ನು ಪಾಲಿಸಬೇಕು? ಔಷಧವನ್ನು ಯಾವಾಗ, ಹೇಗೆ ಸೇವಿಸಬೇಕು? ಈ ಪುಸ್ತಕದಲ್ಲಿ ಆಲೋಪತಿ ಔಷಧಗಳ ಬಗ್ಗೆ ನೀವು ಆವಶ್ಯಕವಾಗಿ ತಿಳಿದಿರಬೇಕಾದ ಮಾಹಿತಿ ಇದೆ. ನೀವು ಸೇವಿಸಬೇಕೆಂದು ವೈದ್ಯರು ಹೇಳುವ ಔಷಧಗಳ ಬಗ್ಗೆ ತಿಳಿದುಕೊಂಡು ಸರಿಯಾಗಿ ಬಳಸಿ. ಉತ್ತಮ ಫಲವನ್ನು ಪಡೆಯಿರಿ.