ನಾವೀಗ ಆರೋಗ್ಯವಂತರಾಗಿರಬಹುದು. ಆದರೆ ಒಂದಲ್ಲ ಒಂದು ಕಾಲದಲ್ಲಿ ನಮಗೂ ಕಾಯಿಲೆ ಕಸಾಲೆ ತಪ್ಪಿದ್ದಲ್ಲ. ಅಂಥ ಸಂದರ್ಭಗಳಲ್ಲಿ ಆರೋಗ್ಯವನ್ನು ಕಾಪಾಡಿಕೊಳ್ಳುವ ವಿಧಾನಗಳ ಬಗ್ಗೆ ಸ್ಥೂಲವಾಗಿಯಾದರೂ ತಿಳಿದಿರುವುದೊಳ್ಳೆಯದು. ಹಿರಿಯ ಲೇಖಕರೂ ವಿಜ್ಞಾನಿಯೂ ಆಗಿರುವ ಶಶಿಧರ ವಿಶ್ವಾಮಿತ್ರರ ಈ ಪುಸ್ತಕ ಜನ ಸಾಮಾನ್ಯರ ಒಂದು ಕೈಪಿಡಿಯಿದ್ದಂತೆ. ಆಹಾರ, ಶರೀರ ನೈರ್ಮಲ್ಯ, ಹೃದ್ಯಯ, ಶ್ವಾಸಕೋಶ, ಕಿವಿ, ರಕ್ತಪರಿಚಲನೆ, ಪಚನಕ್ರಿಯೆ, ಸಂತಾನೋತ್ಪತ್ತಿ, ಹೀಗೆ ವಿವಿಧ ವಿಷಯಗಳನ್ನು ತೀರ ಸರಳವಾಗಿ ಮನಮುಟ್ಟುವಂತೆ ವಿವರಿಸುವ ಈ ಸಚಿತ್ರ ಕೃತಿ ಸಂಗ್ರಹಯೋಗ್ಯ.