ಬೆಳಗೆರೆ ಕೃಷ್ಣಶಾಸ್ತ್ರಿಗಳು ನಮ್ಮ ನಡುವಿನ ಅಪರೂಪದ ಚೇತನ. ಅವರ ಪ್ರತಿ ಮಾತು, ಕ್ರಿಯೆ, ನಂಬಿಕೆ, ಆಲೋಚನೆಗಳು ಅಧ್ಯಾತ್ಮಿಕ ಸ್ಪರ್ಶ ಪಡೆದಿರುವಂಥವು. ಶಾಸ್ತ್ರಿಗಳು ಆಕಾಶ ಕುಸುಮವಲ್ಲ ಈ ನೆಲದಲ್ಲೇ ಬೇರುಬಿಟ್ಟ ನೆಲಸಂಪಿಗೆ. ಶಾಸ್ತ್ರಿಗಳ ಬಗೆಗೆ ಅಭಿನವ ಚಾರ್ತುರ್ಮಾಸಿಕ ಪತ್ರಿಕೆ ೨೦೦೬ರಲ್ಲಿ ಸಂಚಿಕೆಯನ್ನು ತಂದಿತ್ತು. ಹಾಗೆ ತಂದು ಅವರನ್ನು ದೊಡ್ಡವರನ್ನಾಗಿ ಮಾಡಿದ್ದೇವೆಂದಲ್ಲ; ಅವರ ಕೆಲಸಗಳನ್ನು ಕಂಡು ನಾವೆಷ್ಟು ಸಣ್ಣವರೆಂದು ತಿಳಿದುಕೊಳ್ಳುವ ಪ್ರಯತ್ನ ಮಾಡಿದ್ದೇವೆ ಅಷ್ಟೇ. ಆ ಸಂಚಿಕೆಯಲ್ಲಿ ಹಿಂದೆ ಬರೆದಿದ್ದ ಕೆಲವು ಲೇಖನಗಳನ್ನು ಬಳಸಿಕೊಳ್ಳಲಾಗಿತ್ತು. ಸಂಚಿಕೆ ಬಂದ ನಂತರ ಕೆಲವು ವಿದ್ವಾಂಸರು ಬರೆದ ಲೇಖನಗಳನ್ನು ಇಲ್ಲಿ ಸೇರಿಸಲಾಗಿದೆ. ಚಾರಿತ್ರಿಕವಾಗಿ ಮುಖ್ಯ ಅನಿಸಿದ್ದರಿಂದ ಅಭಿನವದ ಸಂಚಿಕೆಯನ್ನು ಪುಸ್ತಕರೂಪವಾಗಿಸೆ.