``ಅಕ್ಕಯ್ ನಂತಹ ಎಷ್ಟೋ ಜೀವಗಳಿಗೆ ನೋವನಿತ್ತ ನಾವೆಲ್ಲರೂ ಕ್ಷಮೆಯ ಸಾಲಗಾರರು. ಇನ್ನಾದರೂ ಅರಿತುಕೊಳ್ಳದಿದ್ದರೆ, ನಮ್ಮಮುಂದಿನ ಪೀಳಿಗೆ ಕೂಡ ಕ್ಷಮೆಯ ಸಾಲಗಾರರಾಗಿಯೇ ಉಳಿಯುತ್ತದೆ`` ಎನ್ನುತ್ತಾರೆ ಖ್ಯಾತ ಚಿತ್ರ ನಟ ``ಡಾಲಿ`` ಧನಂಜಯ್.

ಅಂತಾರಾಷ್ಟ್ರೀಯ ಖ್ಯಾತಿಯ ಲೈಂಗಿಕ ಅಲ್ಪಸಂಖ್ಯಾತರ ಹಕ್ಕುಗಳ ಹೋರಾಟಗಾರ್ತಿ ಅಕ್ಕಯ್ ಪದ್ಮಶಾಲಿ ಇದೇ ಮೊದಲ ಬಾರಿಗೆ ತಮ್ಮ ಅಂತರಂಗದ ಮಾತುಗಳನ್ನು ಆಡಿದ್ದಾರೆ. ತಾವು ಅತ್ಯಾಚಾರಕ್ಕೆ ಒಳಗಾಗಿದ್ದರಿಂದ ಹಿಡಿದು ತಾವು ಲೈಂಗಿಕ ಅಲ್ಪಸಂಖ್ಯಾತರ ದನಿಯಾಗಿ ರೂಪುಗೊಳ್ಳುವವರೆಗಿನ ಬಾಳ ಪಯಣವನ್ನು ವಿವರಿಸಿದ್ದಾರೆ. 

ಈ ಕೃತಿ ನಮ್ಮಒಳಗೆ ಅರಿವಿನ ಬೀಜ ಬಿತ್ತುತ್ತದೆ. ಇದನ್ನು ಅಕ್ಕಯ್ ಕರುಣೆಗೊಂಡು ಸವಾಲು ಎಂದು ಬಣ್ಣಿಸಿದ್ದಾರೆ. ಈ ಕೃತಿ ಓದುಗರಿಂದ ಕರುಣೆಯನ್ನು ಬಯಸುವುದಿಲ್ಲ, ಬದಲಿಗೆ ಅವರ ಹಕ್ಕುಗಳ ಪರವಾಗಿ ನಿಲ್ಲಲು ಒತ್ತಾಯಿಸುತ್ತದೆ.