ಬಾಜೀರಾವ್ ಮಸ್ತಾನಿಯರದ್ದು ಒಂದು ಅದ್ಭುತವಾದ ಪ್ರೇಮಕತೆ. ಶೌರ್ಯ ಮತ್ತು ಸೌಂದರ್ಯದ ಒಂದು ಶ್ರೇಷ್ಠವಾದ ಮಿಲಾಪ. ಪ್ರೀತಿಯಲ್ಲಿ ಧರ್ಮವಾಗಲಿ, ರಾಜಕೀಯವಾಗಲಿ ಹೇಗೆ ಪಕ್ಕಕ್ಕೆ ಸರಿಯಲ್ಪಡುತ್ತದೆ ಎಂಬುದಕ್ಕೆ ಒಂದು ಸಮರ್ಥವಾದ ಉದಾಹರಣೆ.

ಇತಿಹಾಸದಲ್ಲಿ ಕಳೆದುಹೋಗಿರುವ ಹೆಜ್ಜೆಗಳನ್ನು ಗುರುತಿಸಿ ಅವುಗಳಿಗೆ ಕಲ್ಪನೆಯ ಕಾವು ಕೊಟ್ಟ ಸರಜೂ ಕಾಟ್ಕರ್ ಈ ಕಾದಂಬರಿಯನ್ನು ತುಂಬ ಚೆನ್ನಾಗಿ ಬರೆದಿದ್ದಾರೆ. ಆಗಿನ ಘಟನೆಗಳಿಗೆ ಈಗಿನ ಸಮಕಾಲೀನ ಸಂದರ್ಭಗಳನ್ನು ಸಮೀಕರಿಸಿ ಕಾದಂಬರಿಯ ದಿಕ್ಕನ್ನೆ ಬದಲಿಸಿದ್ದಾರೆ. ಆಗ ನಡೆದಿರಬಹುದಾದ ದೃಶ್ಯಗಳನ್ನು ಕಣ್ಣಿಗೆ ಕಟ್ಟುವಂತೆ ಚಿತ್ರಿಸಿದ್ದಾರೆ.

ಕಾದಂಬರಿಯ ಓದು ಮಸ್ತಾನಿಯ ಸೌಂದರ್ಯದಷ್ಟೇ, ಬಾಜೀರಾವ್ ನಶೌರ್ಯದಷ್ಟೇ ಖುಷಿಯನ್ನು ನೀಡುತ್ತದೆ.