ನಮ್ಮ ದೇಶದ ಅನೇಕ ಸಂಪತ್ತುಗಳಲ್ಲಿ ಅರಣ್ಯಸಂಪತ್ತೂ ಒಂದು. ಪ್ರಕೃತಿಯ ಭಾಗವೇ ಆಗಿರುವ ಮಾನವ, ಪ್ರಕೃತಿಯಿಲ್ಲದೇ ಬದುಕಲಾರ. ನಮ್ಮ ಮೂಲ ಆಹಾರ ಬರುವುದೇ ಸಸ್ಯಗಳಿಂದ. ಕೇವಲ ಆಹಾರವಷ್ಟೇ ಅಲ್ಲದೇ ಹಲವಾರು ಔಷಧಿಗಳಿಗೂ ಸಸ್ಯಗಳೇ ಮೂಲವಾಗಿವೆ. ಇವುಗಳ ಮೇಲೆ ನೇರವಾಗಿಯೂ ಪರೋಕ್ಷವಾಗಿಯೂ ಅವಲಂಬಿತವಾಗಿರುವ ಪ್ರಾಣಿಗಳು ಇವುಗಳ ಆರೋಗ್ಯಕರ ಇರುವಿಕೆಯನ್ನು ಸೂಚಿಸುತ್ತದೆ, ಈ ಸಸ್ಯ, ಪ್ರಾಣಿಗಳ ಒಕ್ಕೂಟವೇ ಅರಣ್ಯ. ಒಂದೊಂದು ವಿಧದ ಪ್ರಾಣಿಗೂ ವಿಧದ ಕಾಡು ಅಥವಾ ನೆಲೆ ಅಗತ್ಯ. ಹಾಗಾಗಿ, ಪ್ರಾಣಿಗಳು ಸಮೃದ್ಧವಾಗಿದ್ದಷ್ಟೂ ಅವುಗಳ ನೆಲೆಗಳು ಕ್ಷೇಮವಾಗಿವೆಯೆಂದು ಅರ್ಥ.
ಹೀಗಾಗಿ ನಾವು ಪ್ರಾಣಿಗಳನ್ನು ಅವುಗಳ ನೆಲೆಗಳಾದ ಕಾಡುಗಳನ್ನೂ ಸಂರಕ್ಷಿಸಬೇಕು. ಈ ಪುಸ್ತಕದಲ್ಲಿ ಭಾರತದಲ್ಲಿರುವ ಪ್ರಮುಖ ವನ್ಯಧಾಮಗಳ ಬಗ್ಗೆ ಓದುಗರಿಗೆ ಪರಿಚಯಿಸಿದ್ದಾರೆ.