ಋಷಿಗಳಲ್ಲಿ ಪೂರ್ವಜರಾದ ಅಂಗಿರಸ ಎಂಬುವರು ಗುಹೆಯಿಂದ ಅಗ್ನಿಯನ್ನು ಮೈದಾನದಲ್ಲಿನ ಗುಡಿಸಲುಗಳಿಗೆ ತಂದರು ಎಂಬುದನ್ನು ಹಿಂದಿನ ಪರಿಚ್ಛೇದದಲ್ಲಿ ವರ್ಣಿಸಲಾಗಿದೆ. ಗುಡಿಸಲುಗಳಲ್ಲಿ ಅಗ್ನಿ ಬಂದಾಗಿನಿಂದ ಜೀವನ ಯಾತ್ರೆಯ ಸಾಧನಗಳು ಹೆಚ್ಚಿ ಸಹಜವಾಗಿ, ಹಿಂದೆ ಪ್ರಜಾವೃದ್ಧಿಯಾಗುವುದು ಎಷ್ಟು ಕಷ್ಟವಾಗಿತ್ತೋ ಅದಕ್ಕಿಂತಲೂ ಹೆಚ್ಚಿನ ಮಟ್ಟಿಗೆ ಪ್ರಜಾವೃದ್ಧಿ ಆಗತೊಡಗಿತು, ಇದರಿಂದ ಅಂಗಿರಸನಿಗೆ ಪ್ರಜಾಪತಿ ಎಂಬ ಸಾರ್ಥಕನಾಮವು ಪ್ರಾಪ್ತವಾಯಿತು. ಅಗ್ನಿಸಿದ್ಧಿಯ ಸಂಶೋಧನೆ ಮತ್ತು ಪ್ರಜಾಪತಿ ಸಂಸ್ಥೆಯ ಸ್ಥಾಪನೆ - ಇವೆರಡೂ ಸಮಕಾಲೀನವಾದ ಘಟನೆಗಳಾಗಿದ್ದುವು. ಗುಡಿಸಲಿನಲ್ಲಿ ಅಗ್ನಿಸಿದ್ಧಿ ಆದ ನಂತರ ಸ್ವಲ್ಪ ಸಮಯದಲ್ಲೇ ಪ್ರಜಾಪತಿ ಸಂಸ್ಥೆಯ ಸ್ಥಾಪನೆ ಆಯಿತು.