ಇಂದು ನಾವು ಬಳಸುತ್ತಿರುವ ಕ್ಯಾಲೆಂಡರಿನ ಆವಿಷ್ಕಾರ ಹೇಗಾಯಿತು ? ಸ್ವತಃ ದೇವರು ಪ್ರತ್ಯಕ್ಷನಾಗಿ ಉಪದೇಶ ಮಾಡಿದನೆ ? ಅಥವಾ ಮನುಷ್ಯನ ದೀರ್ಘ ಅವಲೋಕನ, ಅಧ್ಯಯನ ಮತ್ತು ಪರಿಷ್ಕಾರದಿಂದ ಕ್ಯಾಲೆಂಡರ್ ಇಂದಿನ ರೂಪ ತಳೆಯಿತೆ ? ಕ್ಯಾಲೆಂಡರ್ ನದು ಬಹಳ ರೋಚಕ ಕಥೆ. ಕ್ಯಾಲೆಂಡರ್ ಕಥೆ ಜ್ಯೋತಿರ್ವಿಜ್ಞಾನ ಸಂಬಂಧದ ಕೃತಿ. ಅನೇಕರಿಗೆ ಇದು ಕಬ್ಬಿಣದ ಕಡಲೆ ಎಂದು ಅಂಜಿಕೆಯಾಗಬಹುದು. ಆದರೆ ಲೇಖಕ ಮಹೀಧರ ನಳಿನೀಮೋಹನ್ ವಿಷಯವನ್ನು ಆಸಕ್ತಿ ಕುಂದದ ರೀತಿಯಲ್ಲಿ, ಕುತೂಹಲ ಕೆರಳಿಸುವಂತೆ, ಅಷ್ಟೇ ಸರಳ ಶೈಲಿಯಲ್ಲಿ ಬರೆದಿದ್ದಾರೆ.