ಒಂದು ಕಾಲದಲ್ಲಿ ನವಗಿರಿನಂದರ ಮಕ್ಕಳ ಕಥೆ ಪ್ರಕಟವಾಗದ ಪತ್ರಿಕೆಯೇ ಇಲ್ಲ ಎನ್ನುವ ಹಾಗೆ ಅವರ ವ್ಯಾಪ್ತಿ ವಿಸ್ತಾರವಾಗಿತ್ತು. ಆರು ನೂರು ಏಳು ನೂರಕ್ಕೂ ಹೆಚ್ಚು ಮಕ್ಕಳ ಕಥೆಗಳನ್ನು ಬರೆದಿದ್ದ ಶ್ರೀಯುತರು ಮದರಾಸಿನಿಂದ ಪ್ರಕಟವಾಗುತ್ತಿದ್ದ ‘ಚಂದಮಾಮ’ ಮಾಸಪತ್ರಿಕೆಯ ಸಂಪಾದಕರೂ ಆಗಿದ್ದರು.ನವಕರ್ನಾಟಕ ಸಂಸ್ಥೆಯವರು ಇದೀಗ ನವಗಿರಿನಂದರ ನೂರು ಮಕ್ಕಳ ಕಥೆಗಳನ್ನು ಆಯ್ದು ಪ್ರಕಟಿಸುತ್ತಿರುವುದು ಅವರಿಗೆ ಗೌರವ ಸಲ್ಲಿಸಿದಂತಾಗಿದೆ.