ಡಾ|| ಕ್ರಿಶ್ಚಿಯನ್ ಬರ್ನಾರ್ಡ್ ಡೆನಿಸ್ ಡರ್ವಾಲ್ ಎಂಬ ಮಹಿಳೆಯ ಹೃದಯವನ್ನು ಲೂಯಿಸ್ ವಾಷ್ಕಾನ್ಸಿಕಿ ಎಂಬ ಪುರುಷನಿಗೆ ಯಶಸ್ವಿಯಾಗಿ ಬದಲಿ ಜೋಡಿಸಿದರು. ಇವರಿಬ್ಬರೂ ಶ್ವೇತವರ್ಣೀಯರಾಗಿದ್ದರು. ಬರ್ನಾಡ್ ಎರಡನೆಯ ಹೃದಯ ಬದಲಿ ಜೋಡಣೆಯ ಶಸ್ತ್ರಚಿಕಿತ್ಸೆಯಲ್ಲಿ ಡಾ|| ಫಿಲಿಪ್ ಬ್ಲಾಯಿ ಬರ್ಗ್ ಅವರಿಗೆ, ಕ್ಲೈವ್ ಹಾಪುಟ್ ಎಂಬ ವ್ಯಕ್ತಿಯ ಹೃದಯವನ್ನು ಬದಲಿ ಜೋಡಿಸುತ್ತಾರೆ. ಬರ್ಗ್ ಬಿಳಿಯ! ಹಾಪುಟ್ ಕರಿಯ! ಕರಿಯನೊಬ್ಬನ ಹೃದಯ ಬಿಳಿಯನೊಬ್ಬನ ಶರೀರದಲ್ಲಿ ಯಶಸ್ವಿಯಾಗಿ ಕೆಲಸ ಮಾಡುತ್ತಿದೆ ಎನ್ನುವ ಸತ್ಯವನ್ನು ಪರಿಣಾಮಕಾರಿಯಾಗಿ ಜಗತ್ತಿಗೆ ಸಾರುತ್ತದೆ. ವರ್ಣದ್ವೇಷಕ್ಕೆ ಯಾವುದೇ ವೈಜ್ಞಾನಿಕ ತಳಹದಿಯಿಲ್ಲ ಎನ್ನುವುದನ್ನು ಸಾರುತ್ತದೆ. ಕ್ರಿಶ್ಚಿಯಾನ್ ಬರ್ನಾರ್ಡ್ ‘ದಯಾಮರಣ‘ದ (ಯುಥನೀಸಿಯ) ಪ್ರಬಲ ಪ್ರತಿಪಾದಕರಾಗಿದ್ದರು. ವಾಸಿಯಾಗದ ಕಾಯಿಲೆ ತರುವ ಅಪಾರ ನೋವು, ಅಸಹಾಯಕತೆ ಹಾಗೂ ಪರಾವಲಂಬಿತನವನ್ನು ಕಣ್ಣಾರೆ ಕಂಡರು. ಅಂತಹವರು ಗೌರವ ಹಾಗೂ ಘನತೆಯಿಂದ ದಯಾಮರಣದ ಮೂಲಕ ಮುಕ್ತಿ ಪಡೆಯುವುದು ಅಗತ್ಯ ಎಂದು ‘ಗುಡ್ ಲೈಫ್ ಗುಡ್ ಡೆಥ್‘ ಎಂಬ ಪುಸ್ತಕವನ್ನು ಬರೆದರು!