ಈಗೀಗ ಕೌನ್ಸೆಲಿಂಗ್ ಪ್ರಕ್ರಿಯೆ ತುಂಬ ಪ್ರಾಮುಖ್ಯ ಪಡೆದಿದೆ. ಮನೆಯೊಳಗೆ, ಹೊರಗೆ, ಕೆಲಸದಲ್ಲಿ, ಸಂಸಾರದಲ್ಲಿ ಎಲ್ಲೆಲ್ಲೂ ಕೌನ್ಸೆಲಿಂಗ್ ಬೇಕೇಬೇಕು. ಹಿಂದೆ ಈ ಕೆಲಸವನ್ನು ಅಜ್ಜಂದಿರು ಅಥವಾ ಮನೆಯಲ್ಲಿದ್ದ ಇತರ ಹಿರಿಯರು ಮಾಡುತ್ತಿದ್ದರು. ಈಗ ಎಲ್ಲರೂ ತಮ್ಮ ತಮ್ಮ ಕೆಲಸಗಳಲ್ಲಿ ನಿರತರಾಗಿದ್ದಾರೆ. ಚಿಕ್ಕ ಕುಟುಂಬಗಳಲ್ಲಿ ಕೌನ್ಸೆಲಿಂಗ್ ಮಾಡುವವರೂ ಕಡಿಮೆ. ಹಾಗಾಗಿ ಈ ಪುಸ್ತಕ.

ಇದರಲ್ಲಿ ಆರು ಅಧ್ಯಾಯಗಳಿವೆ. ಕೌನ್ಸೆಲಿಂಗ್‌ನ ಮುಖ್ಯ ವಿಷಯಗಳನ್ನು ಇವುಗಳಲ್ಲಿ ಪ್ರಸ್ತಾಪಿಸಿಲಾಗಿದೆ. ಲೇಖಕರು ನೋಡಿದ, ಓದಿದ, ಕೇಳಿದ ಪ್ರಕರಣಗಳನ್ನು ವಿವರಿಸಿದ್ದಾರೆ. ಆದರೆ ಪಾತ್ರಗಳು, ಸನ್ನಿವೇಶಗಳು ಎಲ್ಲವೂ ಕಾಲ್ಪನಿಕ. ಹೊಸದಾಗಿ ಮನಃಶಾಸ್ತ್ರ ಅಧ್ಯಯನ ಮಾಡಲು ಬಂದವರಿಗೆ ಉಪಯುಕ್ತವಾಗಬಹುದು. ಸೈಕಾಲಜಿಯಲ್ಲಿ ಆಸಕ್ತಿಯುಳ್ಳವರು ಓದಲೇಬೇಕಾದ ಪುಸ್ತಕ.