ಪವಾಡಭಂಜಕರೆಂದೇ ಖ್ಯಾತರಾದ ಡಾ|| ಅಬ್ರಹಾಂ ಟಿ. ಕೋವೂರರ ವೈಚಾರಿಕ ಲೇಖನಗಳ ಅನುವಾದ. ಜ್ಯೋತಿಷಿಗಳು, ಪವಾಡ ಪುರುಷರು, ದೇವಮಾನವರು ಜಗತ್ತಿನಾದ್ಯಂತ ಇನ್ನಿಲ್ಲದ ಪ್ರಚಾರ ಪಡೆದು ಜನರನ್ನು ವಂಚಿಸಿ ತಾವು ಹಣ ಗಳಿಸುತ್ತಾರೆ. ಮುಗ್ಧ ಜನ ಇವರನ್ನು ನಂಬಿ ಮೋಸ ಹೋಗುತ್ತಾರೆ. ಇಂಥ ಅವೈಜ್ಞಾನಿಕ, ಅವೈಚಾರಿಕ ವಂಚಕ ಪ್ರವೃತ್ತಿಗಳನ್ನು ಸಮಾಜದಿಂದ ಬೇರು ಸಹಿತ ಕಿತ್ತುಹಾಕಲು ಇನ್ನಿಲ್ಲದಂತೆ ಶ್ರಮಿಸಿದವರು ಕೋವೂರ್. ಪವಾಡ ಮಾಡುವವರ ಪೊಳ್ಳುತನವನ್ನು ಬಯಲಿಗೆಳೆದು, ಖಡಾಖಂಡಿತವಾಗಿ ವಿರೋಧಿಸಿ, ಸವಾಲೆಸೆದು ಅದನ್ನು ತಾವೇ ಮಾಡಿತೋರಿಸಿ ಜನರನ್ನು ಜಾಗೃತಗೊಳಿಸಿದವರು. ನಮ್ಮ ದೇಶದಲ್ಲೂ ಇಂಥ ಬೌದ್ಧಿಕ ದಿವಾಳಿತನವನ್ನು ಮೆರೆದು ವಿದ್ಯಾವಂತರೆನಿಸಿಕೊಂಡ ಜನರಿರುವಾಗ ಈ ಲೇಖನಗಳು ಅತ್ಯುಪಯುಕ್ತ ಎನಿಸಿವೆ. ವಿಚಾರವಾದದೆಡೆಗೆ ಹೆಜ್ಜೆ ಹಾಕಲು ಸಹಾಯಕವಾಗಿವೆ.