ಈ ಪರಿಯ ಸೊಬಗು

ಜೀವನ ಅನೇಕ ಪಾಠಗಳನ್ನು ಕಲಿಸುತ್ತ ಹೋಗುತ್ತೆ, ಹೆಚ್ಚೆಚ್ಚು ವರ್ಷಗಳು ಉರುಳಿದಾಗ ಮನುಷ್ಯ ತನ್ನ ಸ್ವಂತ ಅನುಭವಗಳಿಂದ ಪಕ್ವವಾಗುತ್ತ ಹೋಗುವುದೆ ಜೀವನ ವಿಧಾನ. ಇದು ಪ್ರಕೃತಿಯ ಸಂವಿಧಾನ! ರಾಜಕೀಯ, ಸಿರಿವಂತಿಕೆ, ಸ್ಥಾನಮಾನ, ಅಧಿಕಾರ, ಯೌವನವು ಶಾಶ್ವತವಲ್ಲ. ಇದು ನಿಜ! ಸಂಪೂರ್ಣ ಸತ್ಯ! ಆದರೆ ಅದರ ಅರಿವು ಆಗುವುದು ಎಷ್ಟು ಮಂದಿಗೆ?
ಅಂಥ ಹಲವಾರು ಮಂದಿ ಕಾದಂಬರಿಯ ಉದ್ದಕ್ಕೂ ಬರುತ್ತಾರೆ. ಇವರೆಲ್ಲ ನೀವುಗಳು ಕಾಣದವರಲ್ಲ, ಎಲ್ಲಿಂದಲೋ ಹೆಕ್ಕಿ ತೆಗೆದ ಸಂದರ್ಭಗಳು, ಸನ್ನಿವೇಶಗಳು ಅಲ್ಲ! ಇವರೆಲ್ಲ ನಮ್ಮವರೇ, ನಮ್ಮ ಒಳಗಿನವರೇ!
ಮಹಾಭಾರತ, ರಾಮಾಯಣ ನನ್ನ ಇಷ್ಟದ ಗ್ರಂಥಗಳು. ತುಂಬ ತುಂಬ ಇಷ್ಟವಾಗುವ ಪಾತ್ರ ಭಗವಾನ್ ಶ್ರೀಕೃಷ್ಣನದು. ಭಗವದ್ಗೀತೆಯ ಮೂಲಕ ಕಲಿಯುಗಕ್ಕೆ ಬೋಧಕನಾಗಿದ್ದಾನೆ. ಶರಣಾಗತಿಯನ್ನು ಬೋಧಿಸಲಿಲ್ಲ. ಅಧರ್ಮವನ್ನು ಸದೆಬಡೆಯಲು ಉತ್ಸಾಹ ತುಂಬಿದ. ಅದಕ್ಕೆ ಬೇರೆ ಬೇರೆ ರೂಪ ಅಷ್ಟೆ.
ಸಾಯಿಸುತೆ (ಮುನ್ನುಡಿಯಿಂದ)