ದಿನವೂ ದಿನವೂ ಬೆಳೆಯುತ್ತಿರುವ ಮಕ್ಕಳೆ, ಕಿರಿಯ ಸ್ನೇಹಿತರೆ, ಪ್ರೀತಿಯವರೆ, ತುಂಟರೆ, ಬಲು ಬಲು ಜಾಣರೆ...

ನಿಮ್ಮ ಬಿಡುವಿನ ಸಮಯದಲ್ಲಿ, ಶಾಲೆಯ ಓದಿನ ನಡುವೆ ಆಗೀಗ ಬೇಸರ ಅಂತ ಅನಿಸಿದಾಗ ಓದಬಹುದಾದ ಕತೆಗಳು, ಹರಟೆಗಳು, ಮಾತುಕತೆಗಳು ಎಲ್ಲಾ ಇಲ್ಲಿವೆ. ಇಲ್ಲಿ ನಿಮ್ಮಂತಹ ಹುಡುಗರ ಸುತ್ತ ನಡೆಯುವ ಪ್ರಸಂಗಗಳಿವೆ. ನೀವು ಅನುಭವಿಸೊ ನೋವು, ನಗು ಕೇಳುತ್ತದೆ ಇಲ್ಲಿ. ಹಾಗೆಯೇ ಪ್ರಾಣಿಗಳೂ ಮಾತಾಡಿಕೊಂಡಿವೆ. ಇವನ್ನ ಓದುತ್ತ ನಿಮ್ಮ ನಿಮ್ಮ ನಡುವೆ ಏನೇನಲ್ಲ ಮಾತುಕತೆ ನಡೀಬಹುದು, ನಿಮ್ಮವೇ ನೆನಪುಗಳು ಮರುಕಳಿಸಬಹುದು.

ಇಲ್ಲಿನ ಬರಹಗಳು ಈಗಾಗಲೇ ಪ್ರಕಟವಾದುವೇ. ಆದರೆ ಅವು ಈಗ ಲಭ್ಯವಾಗುತ್ತಿಲ್ಲ. ೧೯೯೩ರಿಂದಲೇ ತೊಡಗಿಕೊಂಡುವು ಇವು. ಅವೆಲ್ಲ ಒಟ್ಟಿಗೇ ಒಂದು ಕಡೆ ಮತ್ತೆ ನಿಮ್ಮ ಕೈಗೆ ಸಿಗಲಿ ಅಂತ ಈ ಪುಸ್ತಕ. ಜೊತೆಗೇ ಹಲವು ಹೊಸವು ಸೇರಿಕೊಂಡಿವೆ.