ದಲಿತರ ಬದುಕಿನ ಆಯಾಮವಾದ ಚಿತ್ರಣವನ್ನು ಒಳಗೊಂಡಿರುವ ತಮ್ಮ ಬದುಕು ಕಾದಂಬರಿಗೆ ೨೦೦೫ರ ಕೇಂದ್ರ ಸಾಹಿತ್ಯ ಅಕಾಡೆಮಿಯ ಪುರಸ್ಕಾರವನ್ನು ಗಳಿಸಿರುವ ಶ್ರೀಮತಿ ಗೀತಾ ನಾಗಭೂಷಣ ಅವರು ಕನ್ನಡದಲ್ಲಿ ಹಲವು ಪ್ರಥಮಗಳನ್ನು ಮೆರೆದಿರುವ ಲೇಖಕಿ. ಈ ಪ್ರಶಸ್ತಿಯನ್ನು ಗಳಿಸಿದ ಮೊದಲ ಲೇಖಕಿಯಾಗಿರುವಂತೆಯೇ, ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಮೊದಲ ಅಧ್ಯಕ್ಷೆಯಾಗಿರುವ ಗೌರವಕ್ಕೆ ಪಾತ್ರವಾಗಿದ್ದಾರೆ. ಕಥೆ ಮತ್ತು ಕಾದಂಬರಿ ಕ್ಷೇತ್ರದಲ್ಲಿ ವ್ಯಾಪಕವಾಗಿ ಸಾಹಿತ್ಯ ರಚನೆ ಮಾಡಿರುವ ಗೀತಾ ಅವರು ದಲಿತ ಸಾಹಿತ್ಯಕ್ಕೆ ಅಪಾರವಾದ ಕಾಣಿಕೆ ನೀಡಿದ್ದಾರೆ.ಇದುವರೆಗೆ ಸುಮಾರು ೨೭ ಕಾದಂಬರಿಗಳು, ೨ ಕಥಾ ಸಂಕಲನಗಳು, ಸಂಪಾದನ ಗ್ರಂಥಗಳು ಪ್ರಕಟವಾಗಿವೆ.