ವರ್ತನಾ ವಿಶ್ಲೇಷಣೆಗೆ ಒಳಗಾದ ಸನ್ನಿವೇಶಗಳು ಹೇಗೆ ಕತೆಗಳಾಗುತ್ತವೆ ಎಂಬ ಪ್ರಶ್ನೆ-ಇವರು ನೀವಲ್ಲ ವನ್ನು ಓದಿದ ಮೇಲೆ ಆನೇಕರನ್ನು ಕಾಡಬಹುದು. ಕತೆಗಳು ನಮ್ಮ ದಿನನಿತ್ಯದ ಘಟನೆಗಳಿಗಿಂತ ಭಿನ್ನವಾಗಿರಬೇಕು, ಸ್ವಾರಸ್ಯವಾಗಿರಬೇಕು ಅಥವಾ ಇಂಥದ್ದೇ ನಿಲುವುಗಳನ್ನೋ ವಾದಗಳನ್ನೋ ಮಂಡಿಸುವವರೂ ನಮ ನಡುವೆ ಇದ್ದಾರು. ವಾಸ್ತವವಾಗಿ ಜಗತ್ತಿನ ಎಲ್ಲ ಕತೆಗಳ ಮೂಲ ಇರುವುದು ಮನಸ್ಸಿನಲ್ಲಿ. ಹಾಗೆ ನೋಡಿದರೆ, ಕತೆಗಳೇ ಎಂದೇನು, ಜಗತ್ತು ಹುಟ್ಟುವುದು, ಸಾಯುವುದು ಅಥವಾ ನಿಂತಿರುವುದೆಲ್ಲಾ ನಮ್ಮ ಮನಸ್ಸಿನಲ್ಲೇ.