೨೦೦೦ನೇ ಸಾಲಿನ ಕೇಂದ್ರ ಸಾಹಿತ್ಯ ಅಕಾಡೆಮಿಯ ಪುರಸ್ಕಾರವನ್ನು ಗಳಿಸಿದ ಶ್ರೀ ಕೆ. ವಿ. ಸುಬ್ಬಣ್ಣ ಕನ್ನಡದ ಕೀರ್ತಿಯನ್ನು ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ನೆಲೆಗಳಲ್ಲಿ ಎತ್ತಿಹಿಡಿದ ಮಹನೀಯರಲ್ಲಿ ಗಣ್ಯರಾಗಿರುವಂಥವರು. ನಾಟಕ ಕ್ಷೇತ್ರದಲ್ಲಿ ವಿಶೇ‍ಷ ಆಸಕ್ತಿ ವಹಿಸಿದ್ದ ಅವರು ಮಲೆನಾಡಿನ ಕುಗ್ರಾಮಗಳಲ್ಲಿ ಒಂದಾದ ಹೆಗ್ಗೋಡಿನಲ್ಲಿ ಸ್ಥಾಪಿಸಿದ ನೀನಾಸಂ (ನೀಲಕಂಠೇಶ್ವರ ನಾಟ್ಯಸೇವಾ ಸಂಘ) ದೆಹಲಿಯ ರಾಷ್ಟ್ರೀಯ ನಾಟಕಶಾಲೆಯಷ್ಟೇ ಖ್ಯಾತಿಯನ್ನು ಗಳಿಸಿದ್ದರೆ. ಅದಕ್ಕೆ ಸುಬಣ್ಣನವರ ಒಲವು, ಅಭಿರುಚಿ ಮತ್ತು ಪರಿಶ್ರಮಗಳೇ ಕಾರಣವಾಗಿವೆ.