Items
0
Total
  0.00 
Welcome Guest.
Kindly Excuse if any delay and delivery issues by Courier due to Lock down

 
Rs. 35    
10%
Rs. 32/-
 
Dispatched within 7 Business Days
FREE Home Delivery
(For purchase of Rs 250/- and above)

    
  • ವಿವರಗಳು
  • ಪುಸ್ತಕದ ಬಗ್ಗೆ
  • ಲೇಖಕರ ಬಗ್ಗೆ
ಪ್ರಕಾಶಕರು : ವಸಂತ ಪ್ರಕಾಶನ, Vasantha Prakashana
ಈಗಿನ ಮುದ್ರಣದ ಸಂಖ್ಯೆ : 2
ಮುದ್ರಣದ ವರ್ಷ : 2010
ರಕ್ಷಾ ಪುಟ : ಸಾದಾ
ಪುಟಗಳು : 56
ಪುಸ್ತಕದ ಗಾತ್ರ : 1/8 Crown Size
ISBN : 9789381001325
ಕೋಡ್ : 189102

ಕೈಮರದ ನೆಳಲಲ್ಲಿ ಒಂದು ದೀರ್ಘ ಕವಿತೆ. ಒಂದು ಹೊಸಬಗೆಯ ಕಥನ ಕವಿತೆ. ಇಲ್ಲಿಯ ಕಥನದಲ್ಲಿ ಕಥನಕ್ಕಿಂತ ಅಕಥನವೇ ಹೆಚ್ಚು. ‘ಐದಾರು ಮಂದಿ ಗೆಳೆಯರು ಒಂದೆಡೆ ಕುಳಿತು ತಮ್ಮ ತಮ್ಮ ಜೀವನಾನುಭವಗಳಲ್ಲಿ ತಮಗೆ ಸಾರವತ್ತಾದ್ದನಿಸಿದ್ದನ್ನು ಹೇಳಿಕೊಂಡಿದ್ದಾರೆ.’ ಮಾಸ್ತಿಯವರ ‘ನವರಾತ್ರಿ’ಯ ತಂತ್ರವನ್ನು ಇದು ನೆನಪಿಸಿದರೂ, ಇಲ್ಲಿ ಕಾಣುವ ಅಕಥನ ಮಾರ್ಗ ತೀರಾ ಭಿನ್ನವಾದದ್ದೆನ್ನಬೇಕು. ಕೈಮರದ ನೆಳಲಲ್ಲಿ ಸೇರಿದವರು ಹೇಳುವುದು ತಮ್ಮ ಇತಿ ವೃತ್ತವನ್ನಲ್ಲ; ತಾವು ಕಂಡ ಇನ್ನೊಬ್ಬರ ಇತಿವೃತ್ತವನ್ನು ಅವರು ಬರೆಯುವುದು ನಕಾಶೆಯನ್ನಲ್ಲ. ಚಿತ್ರಮೂಡುವುದಕ್ಕೆ ಮುನ್ನಿನ ನೆಲೆಯ ಚುಕ್ಕಿಗಳನ್ನು ಇಡುವುದಷ್ಟೇ ಆ ಅಕಥನ ಕ್ರಮದ ತಂತ್ರವಾಗಿದೆ. ಚುಕ್ಕಿಗಳನ್ನು ಹೇಗೆ ಕೂಡಿಸುತ್ತೇವೆಯೋ, ಹಾಗೆ ನಕಾಶೆ ನಿರ್ಮಿಸಿಕೊಳ್ಳುತೇವೆಯೋ ಅದು ನಮ್ಮ ನಮ್ಮ ಓದಿನ ಪ್ರಾಪ್ತಿ. ಆದುದರಿಂದಲೇ ಹೊಳೆಯುವ ಚುಕ್ಕಿಗಳು ಮತ್ತು ಖಾಲಿಬಿಟ್ಟ ಆಕಾಶ ಕೂಡಿಕೊಂಡು ಈ ಕವಿತೆಯ ಹಂದರ ಸಿದ್ಧವಾಗಿದೆ. ಬದುಕಿನ ಗುಂಭತೆಗೆ ಇದು ಕವಿ ಅರ್ಪಿಸುವ ಕನಿಷ್ಠ ಮರ್ಯಾದೆ.

ಕೆ.ಎಸ್. ನರಸಿಂಹಸ್ವಾಮಿಯವರು ಹುಟ್ಟಿದ್ದು ೧೯೧೫ರಲ್ಲಿ, ಮಂಡ್ಯ ಜಿಲ್ಲೆಯ ಕಿಕ್ಕೇರಿಯಲ್ಲಿ. ೧೯೨೧ರಿಂದ ೧೯೨೮ರವರೆಗಿನ ಅವಧಿಯಲ್ಲಿ ಮೈಸೂರು ಟ್ರೈನಿಂಗ್ ಕಾಲೇಜಿನ ಪ್ರಾಥಮಿಕ ಮತ್ತು ಮಾಧ್ಯಮಿಕ ಶಾಲೆಗಳಲ್ಲಿ ವಿದ್ಯಾಭ್ಯಾಸ; ೧೯೨೮ರಿಂದ ೧೯೩೧ರವರೆಗಿನ ಅವಧಿಯಲ್ಲಿ ಮೈಸೂರಿನ ಮಹಾರಾಜ ಹೈಸ್ಕೂಲಿನಲ್ಲಿ ಪ್ರೌಢ ಶಿಕ್ಷಣ; ೧೯೩೪ರಲ್ಲಿ ಬೆಂಗಳೂರಿನ ಸೆಂಟ್ರಲ್ ಕಾಲೇಜಿನಲ್ಲಿ ಅಪೂರ್ಣ ಶಿಕ್ಷಣ. ೧೯೩೭ರಲ್ಲಿ ಸರಕಾರಿ ನೌಕರಿಗೆ ಸೇರಿದ ಅವರು ೧೯೭೦ರಲ್ಲಿ ಹೌಸಿಂಗ್ ಬೋರ್ಡ್ ನೌಕರಿಯಿಂದ ನಿವೃತ್ತರಾದರು. ಅವರು ನಿಧನರಾದದ್ದು ೨೦೦೩ರಲ್ಲಿ. ಕನ್ನಡದ ಶ್ರೇಷ್ಠ ಕವಿಗಳಲ್ಲಿ ಒಬ್ಬರಾದ ನರಸಿಂಹಸ್ವಾಮಿಯವರ ಮೊದಲ ಕವನ `ಕಬ್ಬಿಗನ ಕೂಗು` ಪ್ರಕಟವಾದದ್ದು ೧೯೩೧ರಲ್ಲಿ, `ಪ್ರಬುದ್ಧ ಕರ್ಣಾಟಕ` ಪತ್ರಿಕೆಯಲ್ಲಿ. ೧೯೪೨ರಲ್ಲಿ ಅವರಿಗೆ ಕಾಲಾತೀತ ವಿಖ್ಯಾತಿಯನ್ನು ತಂದುಕೊಟ್ಟ ಮೈಸೂರ ಮಲ್ಲಿಗೆ ಹೊರಬಂದಿತು. ಐರಾವತ, ದೀಪದ ಮಲ್ಲಿ, ಉಂಗುರ, ಇರುವಂತಿಗೆ, ಶಿಲಾಲತೆ, ತೆರೆದ ಬಾಗಿಲು, ನವಪಲ್ಲವ, ದುಂಡು ಮಲ್ಲಿಗೆ, ಸಂಜೆ ಹಾಡು, ಕೈಮರದ ನೆಳಲಲ್ಲಿ, ಎದೆ ತುಂಬ ನಕ್ಷತ್ರ, ಮೌನದಲಿ ಮಾತ ಹುಡುಕುತ್ತ, ದೀಪ ಸಾಲಿನ ನಡುವೆ ಅವರ ಇತರ ಮುಖ್ಯ ಕವನ ಸಂಕಲನಗಳು. ೧೯೮೬ರಲ್ಲಿ ಅವರ ಸಮಗ್ರ ಕಾವ್ಯ ಮಲ್ಲಿಗೆಯ ಮಾಲೆ ಪ್ರಕಟವಾಯಿತು. ಉಪವನ ಅವರ ಪ್ರಬಂಧಗಳ, ವಿಮರ್ಶೆಗಳ ಸಂಕಲನ. ಗಾಂಧೀಜಿಯವರ ಕೃತಿಗಳಿಂದ ಆಯ್ದ ಭಾಗಗಳಿರುವ ನನ್ನ ಕನಸಿನ ಭಾರತ, ಯೂರಿಪಿಡೀಸ್ನ ನಾಟಕ ಮೀಡಿಯ, ಮಾರ್ಕ್ ಟ್ವೇನನ ಕಾದಂಬರಿ ಹಕಲ್ಬರಿ ಫಿನ್ನನ ಸಾಹಸಗಳು ಅವರು ಅನುವಾದಿಸಿರುವ ಮುಖ್ಯ ಗ್ರಂಥಗಳು. ನರಸಿಂಹಸ್ವಾಮಿಯವರು ಪಡೆದಿರುವ ಅನೇಕಾನೇಕ ಪ್ರಶಸ್ತಿ, ಪುರಸ್ಕಾರಗಳಲ್ಲಿ ದೇವರಾಜ ಬಹದ್ದೂರ್ ಬಹುಮಾನ (೧೯೪೩), ಮೈಸೂರು ರಾಜ್ಯದ ಸಂಸ್ಕೃತಿ ಪ್ರಸಾರ ಶಾಖೆಯ ಬಹುಮಾನ (೧೯೫೭), ಕರ್ನಾಟಕ ರಾಜ್ಯ ಪ್ರಶಸ್ತಿ (೧೯೭೨), ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ (೧೯೭೮), ಕನ್ನಡ ಸಾಹಿತ್ಯ ಪರಿಷತ್ತಿನ ಗೌರವ ಫೆಲೋಶಿಪ್ (೧೯೮೫), ಕೇರಳದ `ಕವಿ ಕುಮಾರನ್ ಆಶಾನ್` ಪ್ರಶಸ್ತಿ (೧೯೮೭), ೬೦ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷತೆ (೧೯೯೦), ಬೆಂಗಳೂರು ವಿಶ್ವವಿದ್ಯಾಲಯದ ಗೌರವ ಡಾಕ್ಟೊರೇಟ್ (೧೯೯೨), ಪಂಪ ಪ್ರಶಸ್ತಿ (೧೯೯೬), ಮಾಸ್ತಿ ಪ್ರಶಸ್ತಿ (೧೯೯೬), ಕೇಂದ್ರ ಸಾಹಿತ್ಯ ಅಕಾಡೆಮಿಯ ಗೌರವ ಫೆಲೋಷಿಪ್ (೧೯೯೯), ಗೊರೂರು ಪ್ರಶಸ್ತಿ (೨೦೦೦) ಮುಖ್ಯವಾದುವು.

ಲೇಖಕರ ಇತರ ಕೃತಿಗಳು
Rs. 600    Rs. 540
Rs. 55    Rs. 50
Rs. 130    Rs. 117
Best Sellers
ಜೇನುತುಪ್ಪ (ಆಯುರ್ವೇದ ಮತ್ತು ಪ್ರಕೃತಿ ಸಂಜೀವಿನಿ ಮಾಲೆ)
ಸ್ವಾಮಿ ನಾರಾಯಣ ತೀರ್ಥ, Swami Narayana Teertha
Rs. 45/-   Rs. 50
ಸಕ್ಸೆಸ್ ಟು ದ ಪವರ್ ಆಫ್ ಸಕ್ಸೆಸ್
ಆದೆಳ್ಳ ಶಿವಕುಮಾರ್, Adella Shivakumar
Rs. 86/-   Rs. 95
ಆಶ್ಚರ್ಯಕರ ಬಾಹ್ಯಾಕಾಶ
ಸಪ್ನ ಬುಕ್ ಹೌಸ್, Sapna Book House
Rs. 203/-   Rs. 225
ಪು. ತಿ. ನ ಅವರ ಆಯ್ದ ಕವಿತೆಗಳು
ಸುಬ್ಬಣ್ಣ ಕೆ ವಿ, Subbanna K V
Rs. 68/-   Rs. 75

Latest Books
ಉರಿ
ವಿನಯಾ, Vinaya
Rs. 81/-   Rs. 90
ಬದುಕಿಗೊಂದು ಆಶಾಭಾವ
ರಂಗಸ್ವಾಮಿ ಮೂಕನಹಳ್ಳಿ, Rangaswamy Mookanahalli
Rs. 90/-   Rs. 100
ಗಾನಯಾನ
ದೊಡ್ಡರಂಗೇಗೌಡ, Doddarange Gowda
Rs. 225/-   Rs. 250
ವೈದ್ಯ ದರ್ಪಣ
ಡಾ ರಣಜಿತ ಬೀರಣ್ಣ ನಾಯ್ಕ ಕೆಂಚರ್, Ranajith Beeranna
Rs. 203/-   Rs. 225


 
 
 
Newsletter Signup



Email
City

Copyright © 2011-2019. Navakarnataka Publications Private Limited., Bangalore. Developed & Maintained by
Dhruva Consulting, Bangalore.