ವೃತ್ತಿಯಲ್ಲಿ ಬ್ಯಾಂಕ್ ಅಧಿಕಾರಿಯಾಗಿರುವ ಶ್ರೀ ಅಡ್ಡೂರು ಕೃಷ್ಣರಾವ್ ಬರವಣಿಗೆ ಹಾಗೂ ಸಂಘಟನೆಯಲ್ಲೂ ತಮ್ಮ ಛಾಪು ಮೂಡಿಸಿದ್ದಾರೆ. ಮೂವತ್ತು ವರ್ಷಗಳಿಂದ ‘ಬಳಕೆದಾರರ ವೇದಿಕೆ’ಯ ಸಂಚಾಲಕರಾಗಿ ಗ್ರಾಹಕರ ಹಲವಾರು ಸಮಸ್ಯೆಗಳಿಗೆ ಪರಿಹಾರ ಸಿಗುವಲ್ಲಿ ಶ್ರಮಿಸಿದ್ದಾರೆ. ದಿನಪತ್ರಿಕೆಯೊಂದರಲ್ಲಿ ಬರುತ್ತಿರುವ ಕೃಷಿ ಅಂಕಣದಿಂದಲೂ ಪ್ರಸಿದ್ಧರು. ನವಕರ್ನಾಟಕ ಪ್ರಕಟಿಸಿರುವ ಯಾಕೊವ್ ಪೆರೆಲ್ಮನ್ ಅವರ ಇನ್ನೊಂದು ಪುಸ್ತಕ ‘ಮೋಜಿನ ಗಣಿತ’ವನ್ನೂ ಇವರೇ ಅನುವಾದಿಸಿದ್ದು, ಹಲವು ಮುದ್ರಣಗಳಾಗಿ ಜನಪ್ರಿಯವಾಗಿದೆ. ಡಿವಿಜಿ ಅವರ ‘ಮಂಕುತಿಮ್ಮನ ಕಗ್ಗ’ದ ವ್ಯಾಖ್ಯಾನ ಮಡಿಕೇರಿ ಆಕಾಶವಾಣಿಯಿಂದ ಪ್ರಸಾರವಾಗಿದೆ. ಅಂತರ್ಜಾಲದಲ್ಲಿ ‘ಜಲಜಾಗೃತಿ’ ಬಗ್ಗೆ ಇವರ ಲೇಖನಗಳು ಬಂದಿವೆ.