ವ್ಯಾಕರಣದ ಅಭ್ಯಾಸ ಮೇಲುನೋಟಕ್ಕೆ ಸ್ವಲ್ಪ ಕಷ್ಟದ್ದು ಅಥವಾ ಬೇಸರ ಬರಿಸುವಂಥದ್ದು ಎನ್ನಿಸಬಹುದು. ವ್ಯಾಕರಣ ಜ್ಞಾನವಿಲ್ಲದಿದ್ದರೆ ಅಭಾಸಗಳಾಗುವುದೂ ಉಂಟು. ಹೀಗಾಗಿ ವ್ಯಾಕರಣದ ತಿಳಿವಳಿಕೆ ಅತ್ಯಗತ್ಯ. ಮಕ್ಕಳಿಗೆ ಬೇಸರವಾಗದ ರೀತಿಯಲ್ಲಿ ವ್ಯಾಕರಣ ಕಲಿಸಲು ಸಾಧ್ಯವಿದೆಯೆ? ಖಂಡಿತ ಸಾಧ್ಯವಿದೆ. ಹೊಸ ವಿಧಾನವನ್ನು ಅನುಸರಿಸಬೇಕಷ್ಟೆ! ಮಕ್ಕಳಿಗೆ ಮನರಂಜನೆ ಉಂಟುಮಾಡುವಂಥ ಚಿತ್ರಗಳ ಮೂಲಕ ವ್ಯಾಕರಣ ಕಲಿಸಲು ಸಾಧ್ಯವಾದರೆ, ಅವು ವರ್ಣ ಚಿತ್ರಗಳೂ ಆಗಿದ್ದರೆ, ಬೇಸರ ಹತ್ತಿರಕ್ಕೂ ಸುಳಿಯದು! ಈ ನಿಟ್ಟಿನಲ್ಲಿ ಇದೊಂದು ಹೊಸ ಪ್ರಯತ್ನ.