ಜೀವನದುದ್ದಕ್ಕೂ ನಾವು ಹಲವಾರು ನಿರ್ಧಾರಗಳನ್ನು ಮಾಡಬೇಕು. ನಾವು ತೆಗೆದುಕೊಳ್ಳುವ ನಿರ್ಧಾರದಿಂದ ನಮಗೆ ಒಳ್ಳೆಯದಾಗಬೇಕು. ಬಂಧುಮಿತ್ರರಿಗೂ ಸಮಾಜಕ್ಕೂ ಒಳ್ಳೆಯದಾಗಬೇಕು. ಹೀಗಾಗಿ ಯಾವುದೇ ನಿರ್ಧಾರ ಮಾಡುವಾಗ ನಾವು ಸಾಕಷ್ಟು ಯೋಚಿಸಬೇಕಾಗುತ್ತದೆ. ಸಮಾಜದಲ್ಲಿ, ಕುಟುಂಬ ವ್ಯವಸ್ಥೆಯಲ್ಲಿ ಬದುಕುವಾಗ, ಯಾವುದೇ ನಿರ್ಧಾರ ಮಾಡುವಾಗ ಸ್ವಹಿತ-ಪರಹಿತ ಎರಡನ್ನೂ ಬ್ಯಾಲೆನ್ಸ್ ಮಾಡಬೇಕಾಗುತ್ತದೆ. ನೀತಿ ನಿಯಮಗಳನ್ನು ಪಾಲಿಸಬೇಕಾಗುತ್ತದೆ. ಅಡ್ಡ ಮಾರ್ಗವನ್ನು ಹಿಡಿಯುವಂತಿಲ್ಲ. ಅನೇಕ ಸಂದರ್ಭಗಳಲ್ಲಿ ನಿರ್ಧಾರ ಕೈಗೊಳ್ಳುವುದು ಬಲುಕಷ್ಟವಾಗುತ್ತದೆ. ಇತರರ ಒತ್ತಡ, ಪರಿಸರದ ಇತಿಮಿತಿಗಳು, ಸಂದರ್ಭ ಸನ್ನಿವೇಶಗಳು ನಮ್ಮನ್ನು ತಪ್ಪು ನಿರ್ಧಾರ ಮಾಡಲು ಪ್ರೇರೇಪಿಸುತ್ತವೆ. ಅಧಿಕಾರ, ಕರ್ತವ್ಯ, ಸಮಾಜದ ನಿರೀಕ್ಷೆಗಳು ಅಹಿತವಾದ ನಿರ್ಧಾರ ಕೈಗೊಳ್ಳಲು ಒತ್ತಡ ಹಾಕುತ್ತವೆ. ಇಂತಹಾ ಸಂದರ್ಭಗಳಲ್ಲಿ ಸರಿಯಾದ ನಿರ್ಧಾರ ತೆಗೆದುಕೊಳ್ಳಲು ನಿಮಗೆ ಇದೊಂದು ಮಾರ್ಗದರ್ಶಿ ಪುಸ್ತಕ.