ಕೆಲವರಿಗೆ ನಿವೃತ್ತಿ ಎಂದರೆ ಉದ್ಯೋಗ-ಹುದ್ದೆಯ ಬಂಧನದಿಂದ ಬಿಡುಗಡೆ. ವಿಶ್ರಾಂತ ಜೀವನದ ಸುಖ-ಸಂತೋಷಗಳ ನಿರೀಕ್ಷೆ. ಆದರೆ, ಇನ್ನು ಕೆಲವರಿಗೆ, ನಿವೃತ್ತಿ ಎಂದರೆ ಏನನ್ನೋ ಕಳೆದುಕೊಳ್ಳುವ ಭಯ, ಆತಂಕ. ಕಡಿಮೆಯಾಗುವ ಆದಾಯ, ಕಳೆದುಕೊಳ್ಳುವ ಅಧಿಕಾರ-ಸ್ಥಾನಮಾನ, ಹೇಗೆ ಕಾಲ ಕಳೆಯುವುದೆಂಬ ಆತಂಕ, ಒಂಟಿತನ, ಕಾಡುವ ಆರ್ಥಿಕ ಸಮಸ್ಯೆಗಳು, ಅನಾರೋಗ್ಯದ ಚಿಂತೆ - ಇವೇ ಮುಂತಾದ ನಕಾರಾತ್ಮಕ ಆಲೋಚನೆಗಳು ಮಾನಸಿಕ ಖಿನ್ನತೆಯನ್ನು ಉಂಟುಮಾಡಬಹುದು. ಇಂತಹ ಸಂದರ್ಭಗಳಲ್ಲಿ, ಮುನ್ನೆಚ್ಚರಿಕೆ ವಹಿಸುವುದರಿಂದ ಸಮಸ್ಯೆಗಳನ್ನು ಹೇಗೆ ನಿಭಾಯಿಸಬಹುದೆಂದು ಲೇಖಕರು ಈ ಪುಸ್ತಕದಲ್ಲಿ ವಿವರವಾಗಿ ತಿಳಿಸಿದ್ದಾರೆ.