ನಮ್ಮ ಗ್ರಾಮೀಣ ವಿದ್ಯಾರ್ಥಿಗಳನ್ನು ಕೀಳರಿಮೆಯು ಪ್ರಮುಖವಾಗಿ ಕಾಡುತ್ತಿದೆ. ನಾನು ದಡ್ಡ! ನಾನು ಬಡವರ ಮನೆಯಲ್ಲಿ ಹುಟ್ಟಿದ್ದೇನೆ. ನಾನು ಅವಿದ್ಯಾವಂತರ ಮನೆಯಲ್ಲಿ ಹುಟ್ಟಿದ್ದೇನೆ. ನಾನು ದಲಿತರ ಮನೆಯಲ್ಲಿ ಹುಟ್ಟಿದ್ದೇನೆ. ನಾನು ಸೌಲಭ್ಯವಂಚಿತ ಕುಗ್ರಾಮದಲ್ಲಿ ಹುಟ್ಟಿದ್ದೇನೆ. ವಿದ್ಯೆ, ಬುದ್ಧಿ, ಓದು ಎಲ್ಲ ಆನುವಂಶಿಕವಾದದ್ದು; ನನ್ನಂತಹವರಿಗಲ್ಲ! ವಿದ್ಯೆ ಶೂದ್ರರಿಗೆ ಒಲಿಯುವುದಿಲ್ಲ. ನಾನು ಬುದ್ಧಿವಂತ ವಿದ್ಯಾರ್ಥಿಗಳೊಡನೆ ಹೇಗೆ ಸ್ಪರ್ಧಿಸಲಿ? ಕೆಲವು ವಿದ್ಯಾರ್ಥಿಗಳ ಈ ಅನಿಸಿಕೆ ನಿಜವಾಗಬೇಕಿಲ್ಲ. ಅಂತಹ ವಿದ್ಯಾರ್ಥಿಗಳ ಆತ್ಮವಿಶ್ವಾಸವನ್ನು ತುಂಬಿ ಯಶಸ್ಸಿನತ್ತ ನಡೆಯುವ ರಾಜಮಾರ್ಗವನ್ನು ಈ ಪುಸ್ತಕ ತೋರುತ್ತದೆ.