ಶ್ರೀ ಹಸನ್ ನಯೀಂ ಸುರಕೋಡ ಅರ್ಥಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಇಂಗ್ಲಿಷ್, ಉರ್ದು, ಹಿಂದಿ, ಕನ್ನಡ ಭಾಷೆಗಳಲ್ಲಿ ಪರಿಣತಿ. ಇವರು ಅನುವಾದಿಸಿದ ‘ಜಾತಿ ಪದ್ಧತಿ’ ಡಾ|| ರಾಮ ಮನೋಹರ ಲೋಹಿಯಾ ಅವರ ‘ಕಾಸ್ಟ್ ಸಿಸ್ಟಮ್’. ಇದು ಅವರ ಮೊದಲ ಅನುವಾದವಾಗಿದ್ದು ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಗಳಿಸಿದೆ. ಅಲ್ಲದೆ ಸಾದತ್ ಹಸನ್ ಮಂಟೋ ಅವರ ಕತೆಗಳ ಅನುವಾದ ‘ಸದ್ಯಕಿದು ಹುಚ್ಚರ ಸಂತಿ’ ಕೃತಿಗೆ ಕರ್ನಾಟಕ ಅನುವಾದ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಲಭಿಸಿದೆ. ಡಾ|| ಅಸ್ಗರ್ ಅಲಿ ಎಂಜಿನಿಯರ್ ಬರಹಗಳನು ಅನುವಾದಿಸಿದ್ದಾರೆ. ಅಮೃತಾ ಪ್ರೀತಮ್ ಆತ್ಮಕಥೆ ಕನ್ನಡದಲ್ಲಿ ‘ರಸೀದಿ ತಿಕೀಟು’ ಎಂಬುದಾಗಿ ಅನುವಾದಿಸಿದ್ದು ಅದಕ್ಕೆ ಕೇಂದ್ರ ಸಾಹಿತ್ಯ ಅಕಾಡೆಮಿ (ಅನುವಾದಕ್ಕಾಗಿ) ಪ್ರಶಸ್ತಿ ಸಿಕ್ಕಿದೆ. ಇವರ ಅನುವಾದಿತ ಕೃತಿ ‘ಇಸ್ಲಾಂ.ಕೆಲವು ತಪ್ಪು ಗ್ರಹಿಕೆಗಳು’ ನವಕರ್ನಾಟಕದಿಂದ ಪ್ರಕಟವಾಗಿದೆ.