ಕರ್ನಾಟಕ ವಿಶ್ವವಿದ್ಯಾಲಯದಲ್ಲಿ ಪ್ರಾಧ್ಯಾಪಕರಾಗಿರುವ ಡಾ|| ಶಾಂತಾ ಇಮ್ರಾಪುರ ಅವರು ಕರ್ನಾಟಕದ ಲೇಖಕಿಯರ ಪಂಕ್ತಿಯಲ್ಲಿ ತಮ್ಮ ಸಂಶೋಧನ ಪ್ರವೃತ್ತಿ, ಅಧ್ಯಯನಶೀಲತೆ, ಸಂಪಾದನ ಶ್ರದ್ಧೆ ಮತ್ತು ವಿಮರ್ಶನ ಪ್ರಜ್ಞೆಗಳಿಗೆ ಹೆಸರಾಗಿರುವಂಥವರು. ಇವುಗಳ ಪ್ರತೀಕವಾಗಿರುವಂಥ ಹಲವಾರು ಗ್ರಂಥಗಳನ್ನು ರಚಿಸಿ, ಪ್ರಶಸ್ತಿ - ಪುರಸ್ಕಾರಗಳನ್ನು ಗಳಿಸಿರುವಂಥವರು. ಸಂ. ಶಿ. ಭೂಸನೂರಮಠ ಅವರ ಆತ್ಮೀಯರೂ, ನಿಕಟವರ್ತಿಗಳೂ ಆಗಿದ್ದ ಡಾ|| ಶಾಂತಾ ಅವರು ಭೂಸನೂರಮಠ ಅವರ ಸಾಹಿತ್ಯವನ್ನು ತಲಸ್ಪರ್ಶಿಯಾಗಿ ಅಧ್ಯಯನ ಮಾಡಿದ್ದು, ಅವರ ಸಾಹಿತ್ಯಿಕ ಸಾಧನೆಯನ್ನು, ವಚನ ಸಾಹಿತ್ಯದ ಅಧ್ಯಯನದ ಕ್ಷೇತ್ರಕ್ಕೆ ಅವರು ನೀಡಿರುವ ಮಹತ್ವದ ಕೊಡುಗೆಯನ್ನು ಪರಿಣಾಮಕಾರಿಯಾಗಿ ಚಿತ್ರಿಸಿದ್ದಾರೆ.