ಸೊಪ್ಪುಗಳಿಲ್ಲದ ಜಗತ್ತನ್ನು ಊಹಿಸಿಕೊಳ್ಳುವುದೂ ಸಾಧ್ಯವಿಲ್ಲ. ಪ್ರಾಚೀನ ಕಾಲದಿಂದ ಆಹಾರವಾಗಿರುವ, ಘನತೆಯನ್ನು ಎತ್ತಿ ಹಿಡಿದಿರುವ, ಕಾಲಾನುಕ್ರಮದಲ್ಲಿ ಜ್ಞಾನದ ವಿಸ್ತರಣೆಯಲ್ಲಿ ಪ್ರಮುಖ ಪಾತ್ರ ವಹಿಸಿರುವ ಎಲೆ-ಸೊಪ್ಪುಗಳ ಲೋಕ ನಿಜಕ್ಕೂ ಅಚ್ಚರಿ ಮೂಡಿಸುವಂಥದು. `ಸಕಲ ರೋಗಗಳಿಗೂ ಮದ್ದುಂಟು’ ಎಂಬ ತತ್ವದಂತೆ ಸೊಪ್ಪಿನ ಔಷಧೀಯ ಗುಣ ಮನುಷ್ಯರನ್ನು ಮಾತ್ರವಲ್ಲ; ಸಮಾಜದ ಆರೋಗ್ಯವನ್ನೂ ಕಾಪಿಡಬಲ್ಲದು.
ಸೊಪ್ಪಿನ ಕುರಿತು ಇದು ಮೊದಲ ಪುಸ್ತಕವಲ್ಲ; ಆದರೆ ಹೀಗೆ ನೋಡುವ ನಮ್ಮ ಪ್ರಯತ್ನ ಮೊದಲನೆಯದು. ಸೊಪ್ಪಿನ ದೇಸೀ ನೋಟ; ವೈದ್ಯಕೀಯ ಉಪಯೋಗಗಳು ಮತ್ತು ಸೊಪ್ಪಿನಿಂದ ತಯಾರಿಸಬಹುದಾದ ಕೆಲವು ಪದಾರ್ಥಗಳ ಬಗ್ಗೆ ಇಲ್ಲಿ ವಿವರಣೆ ಇದೆ. ಸೊಪ್ಪುಗಳ ಬ್ರಹ್ಮಾಂಡ ಲೋಕ ಪ್ರವೇಶಿಸಲು ಇದೊಂದು ಬೆಳಕಿಂಡಿ.