ಸ್ಪರ್ಧಾತ್ಮಕ ಪರೀಕ್ಷೆಗಳು ಕಷ್ಟ ಎಂದು ಹೇಳಿದವರಾರು? ಪರಿಪೂರ್ಣ ಸಿದ್ಧತೆ, ಪರಿಪಕ್ವ ಮನಸ್ಥಿತಿ, ಅವಿರತ ಪರಿಶ್ರಮ, ಗೆದ್ದೇ ಗೆಲ್ಲುವೆನೆಂಬ ಆತ್ಮವಿಶ್ವಾಸದಿಂದ ಪರೀಕ್ಷೆಗಳನ್ನು ಎದುರಿಸುವ ಯುವಜನರಿಗೆ ಕಷ್ಟವೆನಿಸುವ ಸಂಗತಿಗಳೇ ಇಲ್ಲ. ಪೂರ್ವ ಸಿದ್ಧತೆಯ ಕೊರತೆಯೋ, ಅಂತಿಮ ಕ್ಷಣಗಳಲ್ಲಿನ ಗಲಿಬಿಲಿಗಳನ್ನು ಎದುರಿಸಲು ಬೇಕಾದ ಆತ್ಮಸ್ಥೈರ್ಯದ ಅಭಾವವೋ, ಹತಾಶೆಯೋ ಅಥವಾ ವಿವರಿಸಲಾಗದ ಎಂಥವೋ ಕಾರಣಗಳು ಯಶಸ್ಸಿನ ಹಾದಿಯಲ್ಲಿ ಅಡ್ಡಬರುತ್ತಿವೆ. ಅವುಗಳನ್ನು ನಿವಾರಿಸಿ, ಪಟ್ಟುಬಿಡದೇ ಸಾಧಿಸುವ ಯಶಸ್ಸಿನ ಸೂತ್ರವನ್ನು ಈ ಪುಟ್ಟ ಕೃತಿಯಲ್ಲಿ ಹಿಡಿದಿಡಲಾಗಿದೆ. ಸಾಧಿಸುವ ಹುಮ್ಮಸ್ಸು ಇರುವವರಿಗೆ ಇನ್ನಷ್ಟು ಪ್ರೋತ್ಸಾಹ ಇಲ್ಲಿದೆ!