Items
0
Total
  0.00 
Welcome Guest.
Kindly Excuse if any delay and delivery issues by Courier due to Lock down

 
Rs. 75    
10%
Rs. 68/-
 
 
Dispatched within 7 Business Days
FREE Home Delivery
(For purchase of Rs 250/- and above)

    
  • ವಿವರಗಳು
  • ಪುಸ್ತಕದ ಬಗ್ಗೆ
  • ಲೇಖಕರ ಬಗ್ಗೆ
ಪ್ರಕಾಶಕರು : ಅಭಿನವ, Abhinava
ಈಗಿನ ಮುದ್ರಣದ ಸಂಖ್ಯೆ : 1
ಮುದ್ರಣದ ವರ್ಷ : 2014
ರಕ್ಷಾ ಪುಟ : ಸಾದಾ
ಪುಟಗಳು : 72
ಪುಸ್ತಕದ ಗಾತ್ರ : 1/8 Demy Size
ISBN : 9789381055717
ಕೋಡ್ : 187824

‘ಎಪ್ಪತ್ತರ ದಶಕದ ಕಥೆ’ ಆ ದಶಕದ ವಿದ್ಯಮಾನಗಳನ್ನು ವ್ಯಕ್ತಿಗಳ ಖಾಸಗಿ ಬದುಕಿನ ಆಕಾಂಕ್ಷೆಗಳು ಮತ್ತು ತುಮುಲಗಳ ಮೂಲಕ ಗ್ರಹಿಸುವ ಪ್ರಯತ್ನ ಮಾಡುತ್ತದೆ. ಅನಂತಮೂರ್ತಿಯವರು ವಿಡಂಬನಾತ್ಮಕವಾಗಿ ಬಳಸುವ ಎಡಪಂಥೀಯ ತಾತ್ವಿಕ ಭಾಷೆ ಪಾತ್ರಗಳ ಗ್ರಹಿಕೆ-ತಿಳುವಳಿಕೆಗಳು ಎಷ್ಟು ಸವಕಲಾಗಿದೆ ಎಂಬುದನ್ನು ತೋರಿಸುವುದರ ಜೊತೆಗೆ, ಅದೇ ಆತ್ಮವಂಚನೆಯ ದಾರಿಯಾಗಿಯೂ ಪರಿನಮಿಸುತ್ತದೆ ಎನ್ನುವುದನ್ನು ವಿಶದಪಡಿಸುತ್ತದೆ. ಮಧ್ಯಮವರ್ಗದ ಬೂರ್ಜ್ವಾ ಬದುಕಿನ ಆಕರ್ಷಣೆಗಳ ಚಿತ್ರಣ ಕೂಡ ಇಲ್ಲಿ ಮುಖ್ಯವಾದುದು. ಎಪ್ಪತ್ತರ ದಶಕವನ್ನು ವಿಭಿನ್ನ ರೀತಿಗಳಲ್ಲಿ ನೋಡುವ ಕತೆಗಳು ಭಾರತೀಯ ಇತಿಹಾಸದಲ್ಲಿ ಸಾಕಷ್ಟು ಬಂದಿವೆ. ಅವುಗಳ ಪೈಕಿ ತಕ್ಷಣ ನೆನಪಿಗೆ ಬರುವುದು ಮಹಾಶ್ವೇತಾದೇವಿಯವರ ಕ್ಲಾಸಿಕ್ ಸಣ್ಣಕತೆಯಾದ ‘ದೌಪ್ದಿ’. ಕಲಾತ್ಮಕವಾಗಿಯೂ ತುಂಬಾ ಯಶಸ್ವಿಯಾದ ಆ ಕತೆ ಎಪ್ಪತ್ತರ ದಶಕವನ್ನು ರಾಜವ್ಯವಸ್ಥೆಯ ವಿರುದ್ಧ ದಂಗೆಯೇಳುತ್ತಿರುವ ಮೂಲನಿವಾಸಿಗಳ ಅನುಭವಗಳ ಮೂಲಕ, ಅವರ ಗ್ರಹಿಕೆಯ ಹಾಗೂ ಕಥನಗಳ ಮಾದರಿಗಳ ಮೂಲಕವೇ ಚಿತ್ರಿಸಲು ಪ್ರಯತ್ನಿಸುತ್ತದೆ. ಅನಂತಮೂರ್ತಿಯವರ ಪ್ರವೇಶ ಮತ್ತು ವಿಧಾನ ಬಹಳ ಭಿನ್ನವಾದುದು ಎಂದು ಸೂಚಿಸಲು ಮಹಾಶ್ವೇತಾದೇವಿಯವರ ಪ್ರಸ್ತಾಪ ಇಲ್ಲಿ ನೀಡಲಾಗಿದೆ.

ಯು.ಆರ್. ಅನಂತಮೂರ್ತಿಯವರು ಹುಟ್ಟಿದ್ದು ೧೯೩೨ರಲ್ಲಿ, ಶಿವಮೊಗ್ಗ ಜಿಲ್ಲೆಯ ಮೇಳಿಗೆಯಲ್ಲಿ. ೧೯೫೬ರಲ್ಲಿ ಅವರು ಮೈಸೂರು ವಿಶ್ವವಿದ್ಯಾಲಯದಿಂದ ಇಂಗ್ಲಿಷ್ ಸಾಹಿತ್ಯದಲ್ಲಿ ಎಂ. ಎ. ಪದವಿ ಪಡೆದರು; ೧೯೬೩ರಲ್ಲಿ ಕಾಮನ್ವೆಲ್ತ್ ಫೆಲೊಶಿಪ್ ಪಡೆದು ಇಂಗ್ಲೆಂಡಿಗೆ ಹೋಗಿ ಬರ್ಮಿಂಗಂ ವಿಶ್ವವಿದ್ಯಾಲಯದಿಂದ ಪಿ.ಎಚ್ಡಿ ಗಳಿಸಿದರು; ಶಿವಮೊಗ್ಗದ ಸಹ್ಯಾದ್ರಿ ಕಾಲೇಜಿನಲ್ಲಿ, ಮೈಸೂರಿನ ರೀಜನಲ್ ಕಾಲೇಜಿನಲ್ಲಿ, ಮೈಸೂರು ವಿಶ್ವವಿದ್ಯಾಲಯದಲ್ಲಿ ಅಧ್ಯಾಪಕರಾಗಿ, ರೀಡರ್ ಆಗಿ, ಪ್ರಾಧ್ಯಾಪಕರಾಗಿ ಸೇವೆಸಲ್ಲಿಸಿದರು; ಅಮೆರಿಕದ ಅಯೋವಾ ವಿಶ್ವವಿದ್ಯಾಲಯದಲ್ಲಿ, ಟಫ್ಟ್ಸ್ ವಿಶ್ವವಿದ್ಯಾಲಯದಲ್ಲಿ, ಟೆಕ್ಸಾಸ್ ವಿಶ್ವವಿದ್ಯಾಲಯದಲ್ಲಿ, ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯದಲ್ಲಿ, ಕಾರ್ನೆಗಿ ವಿಶ್ವವಿದ್ಯಾಲಯದಲ್ಲಿ, ಕೊಲ್ಲಾಪುರದ ಶಿವಾಜಿ ವಿಶ್ವವಿದ್ಯಾಲಯದಲ್ಲಿ ಸಂದರ್ಶಕ ಪ್ರಾಧ್ಯಾಪಕರಾಗಿ, ಫುಲ್ಬ್ರೈಟ್ ಪ್ರೊಫೆಸರ್ ಆಗಿ ಬೋಧಿಸಿದರು; ಕೊಟ್ಟಾಯಂನ ಮಹಾತ್ಮ ಗಾಂಧಿ ವಿಶ್ವವಿದ್ಯಾಲಯದ ಕುಲಪತಿ, ಕೇಂದ್ರ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ, ನ್ಯಾಷನಲ್ ಬುಕ್ ಟ್ರಸ್ಟ್ ಅಧ್ಯಕ್ಷ, ಪುಣೆಯ ಫಿಲ್ಮ್ ಅಂಡ್ ಟೆಲಿವಿಷನ್ ಇನ್ಸ್ಟಿಟ್ಯೂಟ್ನ ನಿರ್ದೇಶಕ, ಹೀಗೆ ಹಲವು ಹುದ್ದೆಗಳನ್ನು ನಿರ್ವಹಿಸಿದರು. ಸಂಸ್ಕಾರ ಅನಂತಮೂರ್ತಿಯವರ ಮೊದಲ ಕಾದಂಬರಿ. ಇದು ಭಾರತದ ಭಾಷೆಗಳಿಗಲ್ಲದೆ, ಯೂರೋಪಿನ ಹಾಗೂ ಏಷ್ಯದ ಹಲವು ಭಾಷೆಗಳಿಗೆ ಭಾಷಾಂತರಗೊಂಡಿದೆ; ಚಲನಚಿತ್ರವಾಗಿಯೂ ಪ್ರಸಿದ್ಧವಾಗಿದೆ. ಎಂದೆಂದೂ ಮುಗಿಯದ ಕಥೆ, ಪ್ರಶ್ನೆ, ಮೌನಿ, ಆಕಾಶ ಮತ್ತು ಬೆಕ್ಕು, ಸೂರ್ಯನ ಕುದುರೆ, ಪಚ್ಚೆ ರಿಸಾರ್ಟ್ ಅವರ ಮುಖ್ಯ ಕಥಾ ಸಂಕಲನಗಳು. ಹದಿನೈದು ಪದ್ಯಗಳು, ಅಜ್ಜನ ಹೆಗಲ ಸುಕ್ಕುಗಳು, ಮಿಥುನ, ಶತಮಾನದ ಕವಿ ಯೇಟ್ಸ್, ಶತಮಾನದ ಕವಿ ರಿಲ್ಕೆ ಅವರ ಕವನ ಸಂಕಲನಗಳು. ಭಾರತೀಪುರ, ಅವಸ್ಥೆ, ಭವ, ದಿವ್ಯ ಅವರ ಇತರ ಕಾದಂಬರಿಗಳು. ಪ್ರಜ್ಞೆ ಮತ್ತು ಪರಿಸರ, ಸನ್ನಿವೇಶ, ಸಮಕ್ಷಮ, ಪೂರ್ವಾಪರ, ಬೆತ್ತಲೆ ಸೇವೆ ಯಾಕೆ ಕೂಡದು?, ಯುಗಪಲ್ಲಟ, ನವ್ಯಾಲೋಕ, ವಾಲ್ಮೀಕಿಯ ನೆವದಲ್ಲಿ, ಆಚೀಚೆ, ಮಾತು ಸೋತ ಭಾರತ, ಕಾಲಮಾನ ಮೊದಲಾದ ವಿಮರ್ಶಾತ್ಮಕ ಚಿಂತನಪರ ಪ್ರಬಂಧ ಸಂಕಲನಗಳು ಪ್ರಕಟವಾಗಿವೆ. ಅನಂತಮೂರ್ತಿಯವರು ಪಡೆದಿರುವ ಪ್ರಶಸ್ತಿ ಪುರಸ್ಕಾರಗಳಲ್ಲಿ ಹಲವು ವಿಶ್ವವಿದ್ಯಾಲಯಗಳ ಗೌರವ ಡಿ.ಲಿಟ್, ಹೋಮಿಬಾಬಾ ಫೆಲೊಶಿಪ್, ಮಾಸ್ತಿ ಪ್ರಶಸ್ತಿ, ಭಾರತೀಯ ಜ್ಞಾನಪೀಠ ಪ್ರಶಸ್ತಿ, ಭಾರತ ಸರ್ಕಾರ ನೀಡುವ ಪದ್ಮಭೂಷಣ ಪ್ರಶಸ್ತಿ ಮುಖ್ಯವಾದುವು. ೨೦೦೨ರಲ್ಲಿ ಅವರು ತುಮಕೂರಿನಲ್ಲಿ ನಡೆದ ೬೯ನೆಯ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿದ್ದರು.

uploads/authorimages/616.jpg
ಲೇಖಕರ ಇತರ ಕೃತಿಗಳು
10%
ಶತಮಾನದ ಕವಿ ಯೇಟ್ಸ್
ಅನಂತಮೂರ್ತಿ ಯು ಆರ್, Ananthamurthy U R
Rs. 75    Rs. 68
10%
ಎಂದೆಂದೂ ಮುಗಿಯದ ಕಥೆ ....
ಅನಂತಮೂರ್ತಿ ಯು ಆರ್, Ananthamurthy U R
Rs. 60    Rs. 54
Best Sellers
ಶೃಂಗಾರ ಮಿಲನ - ವಾತ್ಸಾಯನ ಕಾಮಸೂತ್ರ ಮತ್ತು ಇತರ ದೇವಾಲಯಗಳ ಆಧಾರ
ಗೌರಿ ಸುಂದರ್, Gouri Sundar
Rs. 225/-   Rs. 250
ಕರ್ನಾಟಕ ಜ್ಞಾನಗಂಗೋತ್ರಿ ಕ್ವಿಜ್
ತಿಪ್ಪೇಸ್ವಾಮಿ ಹೆಚ್, Teppeswamy H
Rs. 45/-   Rs. 50
ಮಿಲೆನಿಯಂ ಸಾಮಾನ್ಯ ಅಧ್ಯಯನ 2020
ಎಚ್ಚಾರ್ಕೆ (ಎಚ್ ಆರ್ ಕೃಷ್ಣಮೂರ್ತಿ ಹೊಸಬೀಡು) , H R K (Krishnamurthy Hosabidu H R)
Rs. 456/-   Rs. 480
ಗೃಹ ಸಂಗಾತಿ (ಮಾಂಸಾಹಾರಿ) (ಅಡಿಗೆ ಪುಸ್ತಕ)
ಲೋಬೋ ಜೆ ಬಿ, Lobo J B
Rs. 219/-   Rs. 230

Latest Books
ಅರ್ಥ x ಪಾದ x ಎತ್ತರ : ಅದು ಪ್ರೀಯಲ್ಲ, ಪಾಷಾಣ (ಸತ್ಯಘಟನೆ ಆಧರಿತ ಕಾದಂಬರಿ)
ನೆಲ್ಲೀಕೆರೆ ವಿಜಯಕುಮಾರ್, Nellikere Vijayakumar
Rs. 135/-   Rs. 150
ಭಾರತ ಬೆಸುಗೆ : ಸಂಪರ್ಕ ಕ್ರಾಂತಿಯ ಹೃದಯಸ್ಪರ್ಶಿ ಕತೆ
ಸ್ಯಾಮ್ ಪಿತ್ರೊಡ, Sam Pitroda
Rs. 356/-   Rs. 395
ಜನರೊಂದಿಗೆ ವನ್ಯಜೀವ : ಭಾರತದ ಉದ್ದಗಲದ ನೈಜ ಘಟನೆಗಳನ್ನು ಆಧರಿಸಿದ ಕತೆಗಳು
ನಾಗೇಶ ಹೆಗಡೆ, Nagesh Hegde
Rs. 176/-   Rs. 195
ಅಂಬೇಡ್ಕರ್ ಮತ್ತೇ ಬಂದ್ರು : ಕಾದಂಬರಿ
ಸಿದ್ರಾಮ ಕಾರಣಿಕ, Sidrama Karanik
Rs. 63/-   Rs. 70


 
 
 
Newsletter Signup



Email
City

Copyright © 2011-2019. Navakarnataka Publications Private Limited., Bangalore. Developed & Maintained by
Dhruva Consulting, Bangalore.